Пәрәмәч
катык, соус яисә
әйрәнбелән бирәләр.
Ит пәрәмәче
Ачы камырны50 шәр граммлы кисәкләргә бүлеп, түгәрәкләп җәяләр һәм камыр уртасына ит тарткычтан чыгарган 35 грамм ит салалар да пычак белән тигезләп җәяләр. Аннары, камырның кырыйларын күтәреп, уртасында 1-1,5 см тишек калдырып, бөреп чыгалар.
1 пәрәмәчкә: 50 г камыр, 25-30 г сөяксез ит, 10 г суган, тоз, борыч, шулпа, кыздырырга 7 г май.
Кияү пәрәмәче
Кияү пәрәмәчен яшь сарык яки бозау итеннән ясыйлар. Итне башта турыйлар, аннары, суган кушып, ике мәртәбә ит тарткычтан чыгаралар, тоз, борыч сибеп, каймак яки атланмай өстәп, бик яхшылап болгаталар.
Бәрәңге пәрәмәче
Ачы камырны 75 г зурлыктагы кисәкләргә бүлгәч, түгәрәкләр ясыйлар, ара калдырып, майлы табага тезеп чыгалар. Аннары шул түгәрәкләрнең уртасын уклау яки тукмак белән басып чокырайталар. Аңа тигез генә эчлек салалар. Пәрәмәчнең өстенә чи йомырка ягып, артык кызу булмаган мичтә яки газ мичендә кызартып пешерәләр һәм табынга китерәләр.
1 пәрәмәчкә: 40-50 г эчлек